(NI ABBY MENDOZA)

HINDi lamang mga babae ang naabuso, kundi maging mga mister ay nakararanas ng pisikal at emotional abuse.

Bunga nito, isinisulong ni Rizal Rep. Fidel Nograles na amyendahan ang Republic Act 9363 o Anti Violence Against Women and their children at gawin itong Anti Violence Against Partners and their Children.

Sa House Bill 4888 na inihain ni Nograles, sinabi nito na dapat bigyan din ng proteksyon ang mga mister na nakararanas ng pang-aabuso mula sa kanilang mga misis, hindi umano maitatanggi na may mga kalalakihan din na nakakaranas ng pang aabuso subalit hindi lamang nagsasalita dahil walang proteksyon sa batas na makukuha.

Kung palalawakin umano ang sakop ng batas at hindi lamang nakasentro sa mga kababaihan ay mas matitiyak na mabibigyang proteksyon ang karapatan ng bawat isa.